د ترهګرۍ ضد څانګې (CTD) او پولیسو د کوهاټ د MRS پولیسې څانګې په حدودو کې پر وخت او بریالی استخباراتي عملیات ترسره کړل، چې په پایله کې د سختې ډزې په تبادله کې درې ډېر مطلوب او فعال ترهګر ووژل شول.

د پولیسو د سرچینو په وینا، د کره معلوماتو پر اساس امنیتي ځواکونو عملیات پیل کړل، چې ترهګرو ډزې وکړې. په ځوابي عمل کې درې واړه ترهګر ووژل شول. د وژل شویو ترهګرو پېژندګلو داسې ده:

محمد قاسم د خان جان زوی، د ډاک اوسېدونکی

شاهمد د مشعل خان زوی، د ډاک اوسېدونکی

ساحر عرف پاټا د نسیم زوی، د طور چپر، دره آدم خیل اوسېدونکی

سرچینې وایي، دغه درې واړه ترهګر د دره آدم خیل د یو فعال وسله وال ترهګري ډلې سره تړاو درلود، چې مشر یې سعد عرف شاه ګل دی.

پولیسو ویلي، وژل شوي ترهګر په ګڼو جدي ترهګریزو پېښو کې ښکېل وو او په مختلفو مقدمو کې نومول شوي وو. د پولیسو په وینا، درې واړه ملزمان د کوهاټ د MRS پولیسې څانګې د کانسټیبل یونس د وژنې په مقدمه نمبر ۴۹ کې نومول شوي وو. دا مقدمه د ۳۰۲، ۳۲۴ او د ترهګرۍ ضد قانون (ATA) د ۷مې مادې په ګډون نورو موادو لاندې درج شوې ده.

سربېره پر دې، وژل شوی ترهګر ساحر عرف پاټا د طور چپر پوسټ پر حملې په مقدمه نمبر ۵۴ کې هم نومول شوی وو. پولیسو ویلي، په دې حمله کې کانسټیبل بهادر حضرت عمر شهید شوی وو. په دې مقدمه کې د وژنې، د وژنې هڅې، او د چاودنې موادو د استعمال مادې په شمول د ATA د ۷مې مادې لاندې درج شوې دي.

د امنیتي ځواکونو په وینا، د ترهګرو د وژنې له امله خوشحالي څرګنده شوې او خپل عزم یې بیا تکرار کړی چې دوی به په هېواد کې د تلپاتې امن او امان د ټینګښت لپاره د ترهګرو پر ضد عملیات پرته له کوم توپیر څخه جاري وساتي. سرچینې وایي، دغه بریالی عملیات د ترهګرۍ پر ضد د ملي عزم روښانه بېلګه ده.