ملګرو ملتونو ته د کډوالو د چارو عالي کمېشنرۍ (UNHCR) اټکل کوي چې سږ کال شاوخوا درې میلینه افغان کډوال ښايي خپل هېواد ته راستانه شي. دا ډله ییزه راستنېدنه چې ډېر په ایران او پاکستان کښې د افغان کډوالو په اړه د نویو پالیسیو له امله ده. د افغانستان د پخوا څخه کمزورې بشري بنسټیزې ودانۍ ته لوی فشار وراچوي.

له ۱.۶ میلینو څخه ډېر افغانان لا دمخه په ۲۰۲۵ کال کښې له ایران او پاکستان څخه راستانه شوي. چې دا د UNHCR له لومړنیو اټکلونو څخه ډېر دي. د اسلام قلعه په پوله هره ورځ له ۳۰,۰۰۰ څخه زیات خلک او د جولای په څلورمه نېټه ۵۰,۰۰۰ کسان دغه هېواد ته راوړي. د UNHCR استازي عرفات جمال د فرانس پریس خبري اېجنسۍ ته ویلي چې دا بېرته راستنېدنه بې عزته، بې نظمه او پراخه ده. ډېر راستنېدونکي وايي چې دوی د ایران د چارواکو لخوا له فشار، نیولو او شړلو سره مخ شوي دي.

جمال د راستنېدونکو افغانانو له سختو شرایطو څخه خبرې وکړې او ویې ویل چې دوی ستړي، وارخطا، ځورول شوي او له ډېر وخت په ناهیلۍ کښې دي.

ملګري ملتونه د اوبو، حفظ الصحې، واکسین او تغذیې خدماتو د پیاوړتیا لپاره بېړني اقدامات کوي. چې هره ورځ له ۷,۰۰۰ څخه تر ۱۰,۰۰۰ خلکو پورې مرسته وکړي.

روسیه یوازینی هېواد دی چې په افغانستان کښې یې د طالبانو حکومت په رسمیت پېژندلی دی. ایران او پاکستان دواړه په افغانستان کښې حضور لري خو په رسمي ډول یې دا رژیم په رسمیت نه دی پېژندلی.