د بهرنیو چارو وزارت وویل چې هغه سړی چې د ممبۍ په بریدونو کښې د لاس لرلو تور پرې لګول شوی او له امریکا څخه هند ته سپارل کیږي. هغه له پاکستان سره هیڅ تړاو نه لري.
په هرصورت د بهرنیو چارو وزارت ویاند شفقت علي خان د پنجشنبې په ورځ وویل چې رانا له پاکستان سره هیڅ تړاو نه لري. د هغه د څرګندونو په وخت کښې رانا هند ته په لاره و.
خان وویل چي د تهاور رانا په اړه مونږ د هغه د کينيډایي تابعیت په اړه خپل دریځ څرګند کړی دی. تر هغه ځایه چې زمونږ ریکارډ ښیي. هغه حتی د خپلو پاکستاني اصلي اسنادو د نوي کولو لپاره هم غوښتنه نه ده کړې.
زه خپل دریځ بیا تکراروم چي مونږ به په مناسب وخت کښې نور تازه معلومات ورکړو.
رانا ۶۴ کلن یو ډاکټر دی چې په پاکستان کښې زیږیدلی دي او په ۱۹۹۷ کښې کينيډا ته مهاجر تللی وو. بیا یې د سوداګرۍ پیل کولو لپاره امریکا ته کډه وکړه.
په هرصورت هغه په ۲۰۰۹ کښې د امریکایی چارواکو لخوا د لشکر طیبه لخوا جوړ شوي ترهګریزو دسیسو په تړاو ونیول شو. چې امریکا یې د ترهګرې ډلې په توګه ټاکلې ده.
د امریکا یوې محکمې په ۲۰۱۳ کښې هغه د ممبۍ په بریدونو کښې د لاس لرلو څخه پاک کړ. په هرصورت هغه په ډنمارک کښې د جیلینډز پوستن ورځپاڼې دفتر باندې د برید لپاره د لشکر طیبه ته د ملاتړ چمتو کولو په تور مجرم وپیژندل شو. دې ورځپاڼې د پیغمبر اکرم (صلی الله علیه وسلم) سپکاوی کارټونونه خپاره کړي وو. هند رانا د ډیویډ هیډلي سره یوځای د ممبۍ په بریدونو کښې یو مهم تورن ګڼي. چې د امریکا یو تبعه دی. که څه هم هند د دواړو د سپارلو هڅه کړې خو امریکا یوازې د رانا هند ته د لیږلو سره موافقه کړې ده.
