د پاکستان آرمې چېف جنرال سید عاصم منیر د جمعې په ورځ د بنوں ښار ته لاړو. د دې لیدنې په اړه د (ISPR) د یوې بیان له مخې چې د مارچ په ۴مه نېټه د بنوں کینټونمنټ په یو ناکامه ترهګری برید کښې وروسته ترسره شوه.

جنرال منیر د سیمې د امنیتي وضعیت او روانو عملیاتو په اړه بریفینګ ترلاسه کړ. هغه د بنوں په کمباینډ ملټري هسپتال (CMH) کښې د ټپي پوځیانو حال وپلټلو او د دوی د مقاومت او وقار ستاینه یې وکړه. آرمې چېف د پوځیانو د لوړ روحیه او د کوششونو ستاینه وکړه او د پاکستان پوځ د ترهګرې سره د مبارزې او د ملي امنیت په اړه ئي خپل عزم تکرار کړ.

آرمې چېف په برید کښې د وژل شویو عام خلقو د کورنیو سره خپله خواشیني وړاندې کړه او دا برید یې د “یوې وحشیانه او بزدلانه عمل” په توګه توصیف کړ. هغه تایید کړه چې د برید فوري بریدګر خنثی شوي دي، خو د برید پلان جوړونکي او اسانتیا برابروونکي به عدالت ته ورسېږي. هغه د عامو خلکو په ځانګړې توګه ښځو او ماشومانو په نښه کولو غندنه وکړه او دا یې د ترهګرو د اسلام د دښمنانو په توګه د دوی د حقیقت څرګندونه وبلله. هغه د ترهګرې سره په مبارزې کښې د ملي یووالي اهمیت تاکید کړ او د پاکستاني خلکو د خوندیتوب او امنیت په اړه د پوځ عزم یې بیا تکرار کړ.

جنرال منیر عسکرو ته په خپل خطاب کښې د دوی د قهرمانۍ عملونو ستاینه وکړه چې د برید مخه یې ونیوله. هغه وویل چې د “خوارج” او د دوی د اسانتیا برابروونکو سره مبارزه به روانه وي، هغه کسان چې د هغه په وینا د بهرنیو معاند عناصرو په استازیتوب عمل کوي، تر هغه چې ټول ذمه وار کسان ځواب ویونکي نه شي.

آرمې چېف د افغانستان په خاوره کښې د ترهګرو ډلو د فعالیت له امله د شتون لرونکي ګواښ په اړه خبردار کړ او په وروستيو بریدونو کښې د بهرنیو وسلو استعمالول یې د افغانستان د دې ډلو د پناه ځای په توګه د فعالیت د شواهدو په توګه وړاندې کړل. هغه بیا د پاکستان د ارادې تکرار وکړ چې به هیڅ څوک یا ډله د هېواد د سولې او ثبات د ګډوډۍ اجازه نه ورکوي.

د ISPR د بیان له مخې، د مارچ په ۴مه نېټه د بنوں کینټونمنټ په برید کښې ۱۶ ترهګرو برید وکړو چې پکښې څلور ځانمرګي بریدګران هم شامل وي. ترهګرو د چاودیدونکو موادو ډک موټرونه د کینټونمنټ په دیوالونو وواهل، چې په پایله کښې یې د یوې جومات او یوه مسکني ودانۍ ته زیان ورسېد، چې په جومات کښې د لمشام لمونځ روان و. په دې برید کښې ۱۳ ملکی وګړي ووژل شول او ۳۲ نور ټپیان شول.

امنیتي ځواکونو په چټکۍ سره د بریدګرانو پر وړاندې عمل وکړ او په پایله کښې یې ټول بریدګر رد کړل. خو په دې عملیاتو کښې پنځه سرتیري هم شهیدان شول.

د حافظ ګل بهادر سره تړلي جیش الفرسان د دې برید ذمه وارې په غاړه  واخيسته.