د امریکا ولسمشر ډونلډ ټرمپ د سه شنبې په ورځ وویل چې هغه ISKP ترهګر چې په ۲۰۲۱ کال کښې د کابل د هوايي ډګر برید ته لارښوونه کړې وه، د پاکستان په مرسته نیول شوی دی او اوس امریکا ته وړل کیږي.

د امریکا کانګریس ته د خپلی لومړي ځل په مهال، ټرمپ وویل: “نن شپه زه خوښ یم چې اعلان وکړم چې موږ هغه لوی ترهګر نیولی دی چې د دې وحشت ‌ذمه وار دی، او هغه به اوس دلته راځي څی د امریکایي عدليې د تیز توره سره مخ شي.”

هغه زیاته کړه چې پاکستان د دې “وحشتناک” ترهګر په نیولو کښې مرسته کړې ده.

د ۲۰۲۱ کال د کابل هوايي ډګر برید د امریکا د وتلو پر مهال ۱۳ امریکایي عسکر او ۱۷۰ افغانان ووژلی وو. ټرمپ وویل چې دا نیونه دعسکرو  کورنیو لپاره “لوی ورځ” ده . چې د برید په ترڅ کښې یې خپل په ژوند لاس ورکړي و.

د دې په ځواب کښې، وزیر اعظم شہباز شریف ټرمپ ته د پاکستان د رول د پیژندلو او ستایلو لپاره مننه وکړه.

هغه وویل: “لکه څنګه چې پوهیږو، پاکستان تل د ترهګرۍ په وړاندې د مبارزې کښې غټ رول لوبولی دی خو اوس به ترهګرو او وسله والو ډلو ته د عملیاتو لپاره خوندي ځايونه مهیا نه شي.”

شریف وویل چې پاکستان د ترهګرۍ ضد جګړې په ترڅ کښې ۸۰،۰۰۰ کسان له لاسه ورکړي، خو د پاکستان اراده سخته پاتې ده.

” شریف زیاتوي  مونږ به د سیمه ایز سولې او ثبات په ټینګښت کښې د متحده ایالاتو سره نږدې همکاري ته دوام ورکړو”.

نه شریف او نه ټرمپ د نیول شوي ترهګر په اړه تفصیل ورکړی او نه یې څرگند کړی چې هغه څنګه نیول شوی دی.

خو د CNN راپور له مخې، هغه ترهګر چې نیول شوی دی، د “شریف الله” په نوم پیژندل شوی دی او د “جعفر” په نوم هم یادیږي. د CNN په راپور کښې ویل شوي چې هغه په یو ختیځ ورجینیا محکمې کښې د ترهګرۍ د سازمان سره د همکارۍ او د هغې ملاتړ لپاره ملزم ګمارل شوی دی.

شریف الله د فرورۍ په ورځ د FBI له خوا پوښتنې ته حاضر شو او ومنله چې هغه د ISIS-K سره مرسته کړې او څو حملې یې کړې دي.

هغه په ۲۰۱۹ کال کښې بندي شو او یوازې دوه هفتی وړاندې د کابل د هوايي ډګر برید څخه مخکې خوشې شو. رپورټونه وایي چې هغه د برید لپاره د پلان جوړولو او د بمبارۍ لپاره د لارې ټاکلو کښې مرسته کړې وه.

د FBI په وینا، شریف الله په ۲۰۱۶ کال کښې د کابل په سفارت کښې د ساتونکو پر ضد برید او په ۲۰۲۴ کال کښې د روسیې په یوه نایټ کلب کښې برید کښې هم برخه اخیستې وه.