د بلوچستان کويټه ضلعې سره نږدې د کولپور په سیمه کښې د جعفر ایکسپریس په پائلټ انجن باندې ډزې شوې دي. د ریل پټلۍ د ادارې په وینا په دې پیښه کښې هیڅوک ژوندی نه دی ژوبل شوی.
د سیمې خلکو ویلي چې له پیښې وروسته سمدستي جعفر ایکسپریس د کولپور په سټیشن کښې درول شوې ده. د ریل پټلۍ اداره وايي چي د ټرین د امنیت د باوري کولو لپاره د جعفر ایکسپریس نه مخکې یو پائلټ انجن تر سبی پورې چلیږي، تر څو لار پاکه شي. د نورو تحقیقاتو او امنیتي تصفیې وروسته به ټرین مخکې روان شي.
