ولسمشر ډونلډ ټرمپ د ۲۰۲۵ کال د جولای په لومړۍ نېټه (د دوشنبې په ورځ) یو فرمان لاسلیک کړ. چې له سوریې سره د امریکا د بندیزونو پروګرام پای ته رسوي. دا ګام د امریکا په پالیسۍ کښې یو مهم بدلون دی. چې موخه یې د سوریې بیا نړیوال مالي سیسټم ته ادغام او د کورنۍ جګړې وروسته د دغه هېواد بیارغونې ملاتړ دی.

سپینې ماڼۍ روښانه کړه چې د پخواني ولسمشر بشار الاسد د هغه د ملګرو د بشري حقونو څخه سرغړونکو د نشه یي توکو قاچاق وړونکو، کیمیاوي وسلو په فعالیتونو کښې ښکیلو کسانو، داعش پورې اړوندو کسانو او ایراني ملاتړو پر وړاندې بندیزونه به پرځای پاتې وي. د دسمبر په میاشت کښې د یاغیانو له لوري د اسد له واکه لرې کول د دې پالیسۍ بدلون ته لاره هواره کړه.

د سوریې د بهرنیو چارو وزیر اسعد الشیبي په X (پخواني ټویټر) باندې د دې پریکړې هرکلی وکړ او ویې ویل چې دا به د اقتصادي بیا رغونې خنډونه لرې کړي او هېواد به نړیوالې ټولنې ته پرانیزي. دا اعلان د ریاض په ښار کښې د ټرمپ او د سوریې ولسمشر احمد الشارعه ترمنځ د مې میاشتې پر غونډې ولاړ دی. چې ټرمپ په لومړي سر کښې د بندیزونو لرې کولو اراده ښودلې وه.

په داسې حال کښې چې په کانګرس کښې ځینې د ټولو اقداماتو د بشپړ لغوه کیدو پلوي کوي او اروپا لا دمخه خپل د بندیزونو رژیم پای ته رسولی امریکا به ځینې محدودیتونه وساتي. سپینه ماڼۍ به د القاعدې سره تړلې یاغي ډلې تحریر الشام د ترهګرۍ په توګه پیژندنه او د سوریې د ترهګرۍ ملاتړ کونکي هېواد په توګه پیژندنه بیا کتنه وکړي. اداره به د کلیدي لومړیتوبونو په اړه د سوریې پرمختګ څارلو ته هم دوام ورکړي.  له اسراییل سره د اړیکو عادي کول، بهرنیو ترهګرو ته رسیدګي او د فلسطیني ترهګرو شړل هم شامل دي.

دا پریکړه د رویټرز د یوې پلټنې په ترڅ کښې شوې چې د سوریې حکومتي ځواکونو له ۱۵۰۰ څخه د زیاتو علویانو په وژنه کښې لاس درلود. ټرمپ ادارې تر اوسه په دې راپور څه نه دي ویلي.

د بندیزونو لرې کول به په سوریه کښې د لا زیاتو بشردوستانه مرستو، بهرنۍ پانګونې او سوداګرۍ هڅولو ته لاره هواره کړي. په داسې حال کښې چې د امریکا خزانې وزارت پخوا د سوریې له موقت حکومت سره د راکړې ورکړې اجازه ورکولو یو عمومي جواز صادر کړی و. د بندیزونو پروګرام لغوه کول، پشمول د ۲۰۰۴ کال ملي اضطراري حالت اعلان او اړوند اجرایوي فرمانونه، د اوږدمهاله پانګونې راجلبولو لپاره خورا مهم ګڼل کیږي.