پاکستان او چین د اپریل په ۱۵مه نېټه په بېجینګ کښې د سمندري همکاریو په اړه د خپلې پنځمې ناستې کوربه توب وکړ.
دغه ناسته د پاکستان د بهرنیو چارو وزارت د ایشیا پسیفیک څانګې د اضافي سیکټر عمران احمد صدیقي او د چین د پولې او سمندري چارو د څانګې مشر هانګ لیانګ په ګډه مشري کوله او په څو مهمو سمندري برخو کښې د همکارۍ پر پیاوړتیا یې تمرکز وکړ.
د بهرنیو چارو وزارت لخوا په خپره شوې خبرپاڼه کښې ویل شوي دی. دواړو خواوو له تېرې ناستې راهیسې په ترلاسه شویو پرمختګونو خوښي څرګنده کړه او د سمندري امنیت، سمندري اقتصاد، سمندري علومو او ټیکنالوژۍ او د چاپېریال ساتنې په اړه یې هر اړخیزې خبرې وکړې. په بېلابېلو مسایلو کښې پراخې موافقې ته ورسېدل.
دغې ناستې د دواړو هېوادونو ترمنځ د هر اړخیزې ستراتیژیکې همکارۍ په چوکاټ کښې د لوړې کچې سمندري همکارۍ پر اهمیت بیا ټینګار وکړ.
دواړو هېوادونو ژمنه وکړه چې په ګډه به د ګډ برخلیک سره د پاکستان او چین سمندري ټولنه رامینځته کړي او د دوه اړخیزو او څو اړخیزو سمندري نوښتونو په اړه د دوامداره اړیکو، پالیسۍ همغږۍ او پراخې همکارۍ ژمنه یې وکړه.
ټاکل شوې ده چې د دې ناستې شپږمه دوره به راتلونکی کال په پاکستان کښې ترسره شي.
