بلوچستان کے ضلع زیارت کی ضلعی انتظامیہ اور لیویز فورس نے بروقت کارروائی کرتے ہوئے بلوچستان میں دہ ش ت گردی کا ایک بڑا منصوبہ ناکام بنا دیا ہے۔ اس کامیاب آپریشن کے دوران پانچ مبینہ دہ ش ت گردوں کو گرفتار کر لیا گیا جن کا تعلق افغانستان کے قندہار سے بتایا جاتا ہے۔

ڈپٹی کمشنر زیارت کے مطابق دہ ش ت گردوں کو سپیرا رغہ لیویز چیک پوسٹ سے حراست میں لیا گیا۔ ملزمان کے قبضے سے بھاری مقدار میں اسلحہ و گولہ بارود اور مواصلاتی آلات برآمد ہوئے ہیں جو ایک بڑی تباہی پھیلانے کی سازش کی طرف اشارہ کرتے ہیں۔

انتظامیہ کے مطابق برآمد ہونے والے سامان میں 11 ہینڈ گرینیڈ، 3 ایس ایم جیز، 2 ایم فور رائفلز (پرزہ جات کی صورت میں)، ایک گرینیڈ لانچر، 9 ایم فور میگزینز، 14 ایس ایم جی میگزینز، 420 ایس ایم جی راؤنڈز، 230 ایم فور راؤنڈز، ایک کلو بارودی مواد، 6 وائرلیس سیٹس، 4 موبائل فونز، 2 آر پی جیز، ایک ڈگر، 13 ایمونیشن بیگز، 16 پاور سیلز، 15 ایس ایم جی گرینیڈز، ایک سوزوکی کیری وین، ایک موٹر سائیکل اور کالعدم تنظیم ٹی ٹی پی کا لٹریچر شامل ہے۔ یہ کارروائی سیکیورٹی اداروں کی چوکسی اور مستعدی کا ثبوت ہے۔

وزیر اعلیٰ بلوچستان میر سرفراز بگٹی نے اس کامیاب کارروائی پر ڈپٹی کمشنر زیارت، لیویز فورس اور ضلعی انتظامیہ کی کارکردگی کو سراہا اور کہا کہ بلوچستان کے عوام کے تحفظ کے لیے سیکیورٹی اداروں کی قربانیاں اور بروقت اقدامات قابلِ فخر ہیں۔

وزیر اعلیٰ نے مزید کہا کہ دہ ش ت گردی کے خلاف جنگ میں ایسے آپریشنز امن دشمن عناصر کے عزائم کو ناکام بنانے کا ذریعہ ہیں۔ انہوں نے یقین دلایا کہ حکومتِ بلوچستان امن و استحکام کے قیام کے لیے تمام وسائل بروئے کار لاتی رہے گی اور قانون نافذ کرنے والے اداروں کی پوری طاقت سے پشت پر کھڑی ہے۔