د پنجاب حکومت لخوا د تحریک لبیک پاکستان (TLP) پر د ترهګرۍ د مقدمو لپاره خاص پراسیکیټرز وټاکلو. دا پرېکړه په لاهور او شيخوپوره ضلعو  کې د دې ډلې خلاف د مقدمو پر مخ وړلو لپاره شوې ده.

​دا ګام د مُريدکې په سیمه کې د TLP د احتجاجي کيمپ خلاف د قانون پلي کوونکو ځواکونو له لوی عملیاتو وروسته اخیستل شوی، چې په نتیجه کې یې تاوتريخوالی او ډېرې ګرفتارۍ وشوې.

​د رسمي شمېرو له مخې د مُريدکې د عملیاتو وروسته ۲۷۱۶ کسان نیول شوي، چې له دې جملې ۲۵۱ په لاهور کې او ۱۷۸ په شيخوپوره کې نيول شوي دي.

​د پنجاب د عامه څارنوالۍ د ادارې لخوا د يوه حکم له مخې وکيل رانا شکيل احمد خان او وکيل چوهدري خالد رشيد د TLP خلاف د ټولو مقدمو لپاره د لاهور او شيخوپوره په دایره کې خاص پراسیکیوټرز ټاکل شوي. دا ټاکنې د ترهګرۍ خلاف قانون (ATA) د ۱۸ مادې لاندې شوې دي.

​دغه خاص پراسیکیوټر به په ټرائل کورټونو او لاهور های کورټ کې د ریمانډونو، ضمانتونو او نورو اړوندو چارو کې د صوبی نمایندګی کوي.

​حکومت داسې پرېکړه د دې لپاره کړې چې د TLP د تاوتریخوالي، پر قانون پلي کوونکو حملو او د نورو ټولنو د عبادت ځایونو د ویجاړولو د پخواني ‘داغدار ریکارډ’ له امله، د دغې ډلې خطرناک کسان له منځه يوسي.

​د دې نه علاوه  د TLP د مشر خلاف د پیسو مینځلو (Money Laundering) پلټنې هم شروع شوي. له دې وروسته ويل کېږي چې له ده څخه يې د ۱۱۰ مليونو روپیو نه ډېرې پيسې ترلاسه کړې دي چې پکې ۵۰ زره هندي روپۍ هم شاملې وې.

​د کورنیو چارو وزیر مملکت، طلال چوهدري، جیو نیوز ته ویلي چې TLP د اوسني حکومت له جوړېدو راهیسې دوه ځله اسلام اباد ته د مارچ هڅه کړې. هغه وویل چې په هر مارچ کې حکومت د TLP سره داسې تړونونه لاسلیک کړي چې د دولت په ګټه نه وو، خو اوس دولت پرېکنده دریځ نیولی.

​هغه ټینګار وکړو: “مونږ باید مخکې لاړ شو او له تېرو غلطیو زده کړه وکړو. نور به هیڅ ډول بډې اخیستل (بلیک میلنګ) ونه زغمل شي.” هغه روښانه کړه چې په سیاست کې تاوتریخوالی او افراطیت راوستونکي به، که هغه د مۍ ۹مه وي یا د نومبر ۲۶مه یا د TLP احتجاجونه، هیڅکله ونه زغمل شي او پر ضد به یې د مۍ د ۹مې د پېښو په څېر عملیات وشي.

​وزیر مملکت ادعا وکړه چې پر دې ډلې د عملیاتو له پيل وړاندې، ریاست ټولې سوله ایزې لارې ازمايلې وې. هغه وویل چې TLP ته په سوله ییز ډول د وتلو لاره ورکړل شوې وه او نیول شوې ښځې او ماشومان خوشي شوي وو.