د سرحد په اوږدو کې د نښتو او د افغان طالبانو د تېريو له امله، قبایلي خلک مجبور شول چې میدان ته راووځي. د خپل ورځني ژوند له زغملو ستونزو څخه تنګ شوي. قبایلي ولس اوس پرېکړه کړې ده چې د پاکستاني پوځ سره اوږه په اوږه ودرېږي. څو د سرحد په غاړه فتنه الخوارج ډلې ترهګر له بېخه وباسي. د قبایلو دا روښانه دریځ ښیي چې ځايي خلک د ملي امنیت لپاره له هیڅ قربانۍ څخه مخ نه اړوي او د وطن دښمنه عناصرو دسیسې به شنډې کړي.

​دغه ترهګر د سرحد هاخوا افغانستان کې خوندي پټنځایونه لري. چیرته چې ورته وسلې او پيسې ورکول کیږي. د افغان طالبانو لخوا ورکړل شوي دا پټنځایونه او لوژستیکي مرستې د دې لپاره کارول کیږي چې TTP د پاکستان په دننه کې ترهګریزې پیښې ترسره کړي. چې په حقیقت کې دا د پاکستان خلاف د هند د نیابتي (پراکسي) جنګ اهداف پوره کوي. په قبایلي سیمو کې زرګونو خلکو خپل ژوند له لاسه ورکړی او په سختۍ سره جوړ کړي ملکیتونه یې سخت زیانمن شوي دي.

​د خیبر پښتونخوا په باجوړ کې ولس او قبایلي مشرانو د پاکستاني پوځ سره خپله بشپړه یوازېتوب څرګنده کړې او ژمنه یې تکرار کړه چې د هېواد تر څنګ به ولاړ وي.
​د سیمې مشرانو او انتظامی افسرانو په دې اړه خپل احساسات په ډاګه کړل:

​مشرانو ټینګار وکړو چې افغانستان باید د پاکستان سولې او خپلواکۍ ته درناوی وکړي.
​هغوی خواشیني څرګنده کړه چې دوه اسلامي ورور هېوادونه باید د یو بل پر وړاندې دریدو پرځای، ګډ یوځای ودرېږي.

​د سیمې مشرانو غوښتنه وکړه چې افغانستان دې د هند یا بلې بهرنۍ قوې په اشارو پر پاکستان بریدونه بند کړي.

​هغوی وویل چې د پاکستان او افغانستان ترمنځ ښې اړیکې په سیمه کې د دایمي سولې نښې دی او د دښمنانو د دسیسو شنډول د وخت مهمه اړتیا ده.
​
​مشرانو په خاص ډول پر بې ګناه ماشومانو، ښځو او سپین ږیرو بریدونه په هیڅ صورت د منلو وړ ونه بلل او ویې ویل چې له یوه اسلامي او کلمې ویونکي هېواد څخه یې داسې تمه نه لرله. هغوی په تېره شپه شوي برید ته یوه لویه تېروتنه وویل.

​برخه والو څرګنده کړه چې د باجوړ ولس په اوسني عملیاتو کې په کور دننه بې ځایه شوي، خو د هېواد دوستۍ او د وطن د ساتنې لپاره نن د هند په لمسون د افغانستان د تېري پر ضد احتجاج کوي. د باجوړ خلکو خبرداری ورکړه چې وروسته به داسې اقدامات ونه زغمل شي او افغانستان باید پر خپل دریځ بیا کتنه وکړي، څو په سیمه کې د سولې او ثبات لپاره د پاکستان سره ملګرتیا ته وده ورکړل شي.

د سلارزۍ د تحصیل یو مشر ملک فضل ربي وویل چې په دې وروستیو کې په جبراړۍ سیمه کې خطرناکو سیلابونو او کلاوډ برسټ (ورېځې چاودنې) دوه کلیوالې سیمې وړې وې او حکومتي بیا میشته کولو کې سستې روانه ده. خو سره له دې، همدا خلک نن د پاکستان د پوځ ترڅنګ په کلکه ولاړ دي او د هند په اشاره د ګاونډي هیواد د تیریو پر ضد میدان ته راوتلي دي. هغه ټینګار وکړو چې ولس خپلو سیمه ییزو محرومیتونو ته شا کړه او د ملي سلامتۍ په خاطر یې د پاک پوځ سره ولاړ کیدو پریکړه کړې ده.
​د سلارزۍ نامتو جرګې غړي او قومي مشر، ملک خانزاده خان، د ‘خبر کده’ سره په خاص خبرو کې وویل: “د سلارزۍ ولس د تل په څیر نن هم د حکومت بې تنخوا (مزد) سپاهیان دي. دې هیواد موږ ته عزت، شهرت او هرڅه راکړي دي. مونږ د دې هیواد د هر دښمن غاښ ماتونکی ځواب ورکول زده کړي دي. ځکه چې د دې ملک بقا زمونږ بقا ده. که څه هم زمونږ سیمه په اوسنیو حالاتو کې د ځینو ستونزو ښکار ده، مګر تر ټولو وړاندې زمونږ لپاره زمونږ هیواد لومړی دی او په هیڅ صورت به یې عزت او حرمت ته زیان ونه رسیږي.”
​هغه دښمن ته یو روښانه پیغام ورکړو چې دا هیواد د خدای (ج) له لوري د آسیا مسلمانانو لپاره یو نعمت دی او د هغه ساتنه زموږ ټولو فرض ده.
​د پولو د دفاع هوډ

​د منړوجنګل کګې ماموند د کلي یوه مشهوره څېره او وي سي چیئرمین، ملک ولي محمد، وویل چې دوی د پاکستان هیواد وفادار دي. په داسې حال کې چې په سیمه کې د روان عملیاتو له امله ستونزې شته، خو کله چې هیواد ته ضرورت پېښ شي، نو دوی به په پولو (سرحدونو) د لومړۍ کرښې د سپاهي رول ولوبوي. هغه ‘خبر کده’ ته وویل چې د کګې، سفرې او د پولې سره نږدې سیمو ولس، په خاص توګه ځوانان، د پاک پوځ اوږه په اوږه هر ډول خدمت ته چمتو دي.
​”مونږ په دښمن دا واضح کول غواړو چې هغوی زمونږ هیواد ته په بد نظر هم د کتل هڅه ونه کړي، ګني نو مونږ به ورته سترګې وباسو.”
​د بنډارې ماموند یو عمر خوړلي قومي مشر ملک شاه طماس خان له ‘خبر کده’ سره په خبرو کې وویل چې قومي ولس د تل راهیسې د پاکستان وفادار او د پاکستاني پوځ بې تنخوا سپاہیان دي. هغه یادونه وکړه چې قومي ولس په هر محاذ، که هغه د کشمیر محاذ وي او که ختیځ پاکستان، تل د زړورتیا ثبوت ورکړی دی. هغه باور ورکړو چې په راتلونکي کې هم د ضرورت پر مهال به یې ځوانان له هیڅ قربانۍ څخه ډډه ونه کړي. هغه افغانستان او نورو ګاونډیو هیوادونو ته خبرداری ورکړه چې د پاکستان په سرحداتو کې د لاسوهنې څخه لاس واخلي، ګني نو دوی باید تیر کال په هند راغلي حالت په یاد وساتي.

​د باجوړ ډپټي کمشنر شاهد علي، د میډیا له استازو سره په خبرو کې وویل چې د نورو ټولو قبایلو په څیر، د باجوړ اتمان خیل او ترکلاني دواړه ډېر زړور او باتور دي. د دې قبایلو تاریخ د هیواد سره د وفادارۍ او قربانیو شاهد دی. هغه اعتراف وکړو چې په باجوړ کې د روانو پوځي عملیاتو له امله ولس له ستونزو سره مخ دی، خو دوی نن هم په ډېر ملي احساس (جذبه) سره په میدان کې ولاړ دي.
​”نن دې ټولو قومي مشرانو او ځوانانو د پاک پوځ په حق کې مظاهره وکړه، او پرون یې په ناوګۍ بازار کې کړې وه، چې دا د دې ولس د افواج پاکستان او زرغونې نښې (هلالي بیرغ) سره د بې کچې مینې ثبوت دی.”
​هغه په پای کې وویل چې حکومت د دې قبایلو له وطن سره مینه په قدر ګوري او د دوی قربانیو ته درناوی لري.