د پاکستان د اطلاعاتو وفاقي وزیر عطا الله تارړ پر تحریک انصاف ډېر سخت تورونه پورې کړي دي. هغه ویلي چې تحریک انصاف په هېواد کې بدامني خپروي او د ترهګرو ملګرتیا کوي. تارړ وایي چې هغه څوک چې په زندان کې ناست دی، د ترهګرو مشر ملاتړی (چیف اسپانسر) دی او د ده په حکومت کې د هېواد امن خراب شو او ترهګر بېرته راوستل شول.
د پریس کانفرنس مهم ټکي
د زیارت (پنجشنبې) په ورځ په اسلام آباد کې یوې خبري غونډې ته په وینا کې وفاقي وزیر وویل چې په هېواد کې یوه ګډوډي کوونکې ډله شته چې غواړي د هېواد امن او امان له منځه یوسي. هغه په ښکاره وویل چې د تحریک انصاف ټوله ډله د ترهګرو ملګرتیا کوونکې ده.
عطا تارړ زمونږ د هېواد شهیدانو ته درناوی وړاندې کړه او ویې ویل چې قوم خپلو زړورو زامنو ته سلام کوي. چا چې په جنازه کې یې وزیراعظم او فیلډ مارشل هم ګډون کړی و.
د اطلاعاتو وزیر ادعا وکړه چې د رد الفساد او ضرب عضب عملیاتو په هېواد کې امن جوړ کړی و. خو په زندان کې ناست کس په خپل حکومت کې نیشنل اېکشن پلان ختم کړو او هغه ترهګر یې بېرته راوستل.
د پخواني وزیراعظم پر خبرو نیوکه
هغه زیاته کړه چې ترهګر بېرته راوستل شول او تر نن ورځې پورې یې ملګرتیا روانه ده. عطا تارړ د پخواني وزیراعظم عمران خان پخوانۍ خبرې یاد کړې چې هغه د ترهګرو په اړه ویلي وو چې دا ښه خلک دي، باید ورسره خبرې وشي او بېرته راوستل شي.
هغه په ټینګار وویل چې په زندان کې ناست کس د ترهګرو چیف اسپانسر دی او دوی به هېواد کې د بې ثباتۍ راوړونکو عناصرو ته کامیابۍ ورنکړي.
وزیر اطلاعات ټینګار وکړو چې ترهګر بې ګناه خلک نه پرېږدي او په جوماتونو او سکولونو باندې حملې کوي، نو ځکه د هغوی بېرته راوستلو پرېکړه د ملک دښمنۍ په څېر وه.
