وروستیو سختو بارانونو او ویجاړونکو سېلابونو په ټول هیواد کې ډېر زیانونه رسولي. چې له امله یې ۱،۰٠۶ کسانو خپل ژوند له لاسه ورکړی دی. د این ډي ایم اي ادارې (NDMA) له مخې په دې مړو کې ۲۷۵ ماشومان، ۱۶۳ مېرمنې او ۵۶۸ نارینه شامل دي.
این ډي ایم ای تایید کړې چې چارواکي اوس هم په لویو ژغورنې او مرستې عملیاتو بوخت دي ترڅو سېلاب ځپلو سیمو ته ورسېږي او د زیانونو کچه معلومه کړي.
په صوبو کې د مرګ ژوبلې تفصیل
خېبر پښتونخوا صوبه تر ټولو ډېره ځپل شوې. چې ۵۰۴ کسان پکې مړه شوي دي. په دې کې ۹۰ ماشومان، ۳۳۸ نارینه، او ۷۶ مېرمنې شاملې دي.
په پنجاب کې ۳۰۴ کسان مړه شوي، چې ۱۱۰ ماشومان، ۱۴۳ نارینه، او ۵۱ مېرمنې په کې شامل دي.
په سند کې ۸۰ کسانو ژوند بایللی، چې ۳۵ ماشومان، ۳۵ نارینه، او ۱۰ مېرمنې دي.
په نورو سیمو کې د مرګ ژوبلې شمېر په دې ډول دی: په ګلګت بلتستان کې ۴۱، په آزاد جمو او کشمیر (AJK) کې ۳۸، او په بلوچستان کې ۳۰ کسان مړه شوي دي. د اسلام آباد دارالخلافه سیمې (ICT) هم ۹ کسان له لاسه ورکړي. چې پنځه ماشومان، درې نارینه او یوه مېرمن پکې شامل دی.
زیربناوو ته زیان او اقتصادي اغېز
د بریښنا څانګې ویلي چې په ټول هیواد کې د سېلابونو له امله زیانمن شوي ۵۸۲ د بریښنا فېډرونه یې بیا فعال کړي دي. له ۵۱ ګرېډونو او ۵۸۵ فېډرونو څخه یې د شمیره ښودلې ده. چې په لومړي سر کې زیانمن شوي وو. ۴۱۷ یې په مکمله توګه او ۱۶۵ یې په نسبي ډول بېرته فعال شوي دي.
په هم دې وخت کې د M-۵ موټروې د ملتان سره نږدې د سېلاب له امله له ۱۹ ورځو راهیسې تړل شوې ده. د موټروې پولیسو ویلي چې د ملتان او جنګره انټرچېنج تر منځ ۲۰ کیلومټره سړک په له یو درجن څخه په زیاتو ځایونو کې سخت زیان لیدلی دی.
حکومت آیی ایم ایف (IMF) ته خبر ورکړی چې وروستیو سېلابونو د هیواد زیربنا او کرنې برخو ته ۳۷۱ میلیارده روپۍ زیان رسولی دی. دې زیان ته په کتو، حکومت د جی ډی پی (GDP) د ودې هدف ۰.۳ سلنه کم کړی او نوی هدف ۳.۹ سلنه ټاکل شوی دی.
د پنجاب پی ډی ایم ای ادارې (PDMA) د دې صوبې د پورتنیو سیمو لپاره یو نوی خبرداری ورکړی. چې د اکتوبر له ۵مې څخه تر ۷مې نېټې پورې به سخت بارانونه وشي.
د PDMA یوه ویاند خبرداری ورکړ چې په سیندونو د پاسه په سیمو کې د اټکل شوي باران له امله په سیندونو او ورسره نښلوونکو ویالو کې د اوبو جریان ډېر زیاتېدای شي. د هوا پوهنې وړاندوینه په ډیرو ضلعو کې د طوفاني باران خبر ورکوي او له اوسېدونکو او چارواکو څخه یې غوښتي چې د ممکنه سېلابونو پر وړاندې تیار او باخبره پاتې شي.
