د بلوچستان د ترهګرۍ ضد څانګې (CTD) کوئټې ته نږدې په اغبرک کلي کې د ترهګرو د شتون په پټ خبر عملیات وکړل او ۱۰ ترهګر یې ووژل.
د پولیسو په وینا کله چې د سي ټي ډي (CTD) کارکونکي په اغبرک کې د ترهګرو پټنځای ته ورسېدل. نو هلته موجودو ترهګرو په ځواکونو ډزې پیل کړې.
د سي ټي ډي (CTD) کارکونکو ځوابي ډزې وکړې. چې په نتیجه کې یې ۱۰ ترهګر له منځه یوړل شول. له وژل شویو ترهګرو نه ډېره وسله او چاودیدونکي توکي هم ترلاسه شول.
پولیسو زیاته کړه چې وژل شوي ترهګر په امنیتي ځواکونو باندې په بریدونو او مختلفو ورانکارو فعالیتونو کې ښکیل وو. د سي ټي ډي (CTD) دا بریالي عملیات د ترهګرۍ پر ضد جګړه کې یوه مهمه لاسته راوړنه بلل کیږي.
