د خیبر پښتونخوا د پولیسو انسپکټر جنرل (IG) ذولفقار حمید د جرمي ریکارډونو لپاره د یوې نوې ډیټابیس پرانیسته وکړه. چې د صوبې د پولیسو په تاریخ کېښ یو مهم ګام دی. دې ډیټابیس به د جرمونو او ترهګرۍ په وړاندې مبارزه کښې مرسته وکړي.
د پنجاب په څېر چېرته چې د نیول شویو مجرمینو ریکارډونه ساتل کېږي. خیبر پښتونخوا ته هم د هغه ډول سسټم ضرورت و. د دې ضرورت د پوره کولو لپاره پولیسو یو نوې ایپ لانچ کړې دی. په دې ایپ کښې به د هغو ټولو مجرمینو ریکارډونه وي چې په هر ډول جرم کښې ښکېل وي. دا ډیټابیس به د پولیسو لپاره د مجرمینو په پېژندلو او د هغوی د تعقیب لپاره اسانتیا رامنځته کړي.
د پولیسو مشر وویل چې د پولیسو زیربنا (infrastructure) یې پیاوړې کړې ده. همدارنګه د سہولت مرکز لپاره یې یو بشپړ ایپ جوړ کړې دی چې د نادرا (NADRA) سره نښلول شوې ده. د دې ترڅنګ ای-لایسنسنګ (e-licensing) هم پرانستل شوې چې د موټر چلوونې د جوازونو (driving licenses) په ترلاسه کولو کښې به اسانتیا رامنځته کړي.
پخوا جرمي ریکارډونه په لاسي یا مینول ډول ساتل کېدل چې ډېر وخت یې نیسه او غلطۍ پکې ممکن وې. اوس د دې نوي سیسټم په راتګ سره ټول ریکارډونه آنلاین او کمپیوټري شوي دي. دا کار به د پولیسو کار ډېر چټک او اغېزمن کړي او د دې ډیټابیس په واسطه به د مجرمینو په اړه معلومات په چټکۍ سره ترلاسه کېدای شي. دا پرمختګونه به د خیبر پښتونخوا د پولیسو په کارکردګۍ کښې د پام وړ پرمختګ راولي.
