خیبر پختونخوا کے قبائلی ضلع شمالی وزیرستان کی ضلعی انتظامیہ نے سیکیورٹی خدشات کے پیش نظر ضلع بھر میں جمعہ کے صبح سے شام 7 بجے تک دو دن کے لیے مکمل کرفیو نافذ کر دیا ہے۔ یہ کرفیو ہفتہ اور اتوار، یعنی 30 اور 31 اگست کی درمیانی شب، اتوار کی صبح 5 بجے سے پیر کی صبح 7 بجے تک جاری رہے گا۔

ضلعی انتظامیہ کی جانب سے جاری کردہ نوٹیفکیشن کے مطابق، کرفیو کے دوران تمام تجارتی مراکز، بازار اور مارکیٹس مکمل طور پر بند رہیں گی۔ اس کے علاوہ ضلع کی حدود میں ہر قسم کی عوامی نقل و حرکت پر بھی مکمل پابندی عائد کر دی گئی ہے۔

قانون نافذ کرنے والے اداروں نے عوام سے اپیل کی ہے کہ وہ قانون کا احترام کریں اور کرفیو کے دوران اپنی تمام روزمرہ سرگرمیاں روک دیں۔ عوام کو ہدایت کی گئی ہے کہ وہ گھروں تک محدود رہیں اور غیر ضروری نقل و حرکت سے گریز کریں۔

واضح رہے کہ رات کے وقت سورج غروب ہونے سے لے کر صبح سورج طلوع ہونے تک کی پابندی حسب معمول اگلے حکم تک برقرار رہے گی، جس میں کسی بھی قسم کی نرمی نہیں کی گئی ہے۔ لہٰذا، عوام سے درخواست کی گئی ہے کہ وہ محتاط رہیں اور قانون نافذ کرنے والے اداروں کے ساتھ تعاون کریں۔