په پاکستان کښې ګوګل خپل AI موډ شروع کړی دي چې د ګوګل د ډیولپمنټ لټون یوه برخه ده. دا فیچر اوس په انګلیسي ژبه د انډرایډ او آی او ایس په ګوګل اپلیکېشن او همدارنګه د موبایل او ډېسټاپ په وېب سایټونو کښې کارول کېدلی شي.

​دا سیسټم د Gemini ۲.۵ پر بنسټ جوړ شوی دي چې کولای شي ډېرې اوږدې پوښتنې ځواب کړي. خلک اوس په دې فیچر کښې د معمول په پرتله دوه یا درې برابره اوږدې پوښتنې لیکي. د مثال په توګه دوی کولی شي د شیانو پرتله کولو، د سفرونو پلانولو، یا د څنګه په اړه پوښتنې وکړي.

​پاکستانی کاروونکي کولی شي دا فیچر په مختلفو طریقو وکاروي. یو مسافر کولی شي د پنځه ورځني سفر پلان وغواړي چې پکې د کتنې ځایونه، ماجراجویي، او خواړه شامل وي. او بیا د سیمې د دودیزو خوړو په اړه سپارښتنې وغواړي. والدین کولی شي د نهم ټولګي د ریاضیاتو لپاره زیاتې آنلاین سرچینې ولټوي او بیا د تعاملي زده کړې اپلیکېشنونو یا یوټیوب چینلونو په اړه معلومات وغواړي.

​دا فیچر په دې ډول کار کوي چې یوه لویه پوښتنه په کوچنیو برخو ویشي او په یو وخت کښې څو لټونونه کوي. دا معلومات له وېب، د ګوګل له پوهې ګراف او د محصولاتو له ډېټابېسونو څخه راټولوي.

​AI موډ د متن لیکلو، خبرو کولو، او انځورونو پورته کولو ملاتړ کوي. د مثال په توګه یو څوک کولی شي د محلي بازار څخه د مسالو عکس واخلي او پوښتنه وکړي چې څنګه یې په پاکستاني پخلي کښې استعمال کړي او بیا AI کولی شي د نورو پوښتنو له لارې خبرې اترې ته ادامه ورکړي.

​ګوګل وايي چې AI موډ هوښیار او بشپړ دی. خو دا هم مني چې ځینې وختونه یې ځوابونه ممکن په مکمله توګه سم نه وي ځکه چې دا سیسټم اوس هم په لومړیو درجه کښې دی.