د بلوچستان د کېچ ضلعي په مرکزي ښار تربت کښې د امنیتي ځواکونو پر یوه چیک پوسټ د لاسي بم برید له امله ۸ کسان ټپیان شوي دي. دا پېښه د سنگاني سر په سیمه کښې شوې ده.
د ایف سي ساؤت په وینا بریدګر د فتنه الھندوستان په نامه ترهګرې ډلې سره تړاو لري. له برید وروسته امنیتي ځواکونو سمدستي ځوابي ډزې وکړې. خو بریدګر په تېښته بریالي شوي دي.
په دغه برید کښې ټول ټپیان شوي ۸ کسان د سیند او بلوچستان اوسېدونکي دي. په ټپیانو کښې د سانگھڑ (سیند)، مستونگ، نال، صلاله بازار او سنگاني سر تربت اوسېدونکي شامل دي. ټول ټپیان سمدستي د ایف سي او ډي ایچ کیو روغتونونو ته لېږدول شوي دي.
امنیتي چارواکو سیمه کلابنده کړې او د بریدګرو د لټون اپریشن یې شروع کړي دي. نورې څېړنې روانې دي.
