پاکستان لا هم د سختو بارانونو له امله له زیاتو مرګ ژوبلو سره لاس او مخامخ دی. چې اوس یوه بله د مونسون څپه د جولای له ۲۰مې څخه تر ۲۵مې پورې هېواد ته د راتلو په حال کښې ده. چارواکو د سختو بارانونو، تېزو بادونو، دوړو او د سیلابونو احتمالي خطرونو په اړه خبرداری ورکړی دی.

د مونسون دا راتلونکې څپه پر روان بحران لا زیاتوالی راولي. ځکه چې ژغورونکي ټیمونه لا هم مړي راوباسي او په اوبو کښې بند پاتې خلک ژغوري. لږ تر لږه اووه نورې مړینې تایید شوي. چې د مړو شمېر یې نور هم زیات کړی دی. ډېری مړینې د چتونو غورځېدو، د ځمکې ښویېدو او نورو د باران اړوند پېښو له امله دي.

یوازې په پنجاب کښې له ۱۸۰ څخه زیات کسان له سیلاب ځپلو سیمو څخه ژغورل شوي دي.

د لویو سیندونو لپاره د سیلاب خبرداری ورکړل شوی. په شمول د انډس سیند په کالب باغ او چشمه کښې چیرې چې د سیلابونو د لوړې کچې اټکل شوی. د پنجاب د صوبایي ناورین مدیریت ادارې (PDMA) ټولو ضلعو ته لوړ خبرداری ورکړی دی. په ځانګړې توګه یې راولپنډۍ، مري، ګلیات، اټک، او نورې ضلعو د هغو سیمو په توګه نومولي چې د سخت باران تمه کیږي. د پنجاب سویلي برخه هم اغیزمنه کیږي.

حکومت د بحران په سمبالولو کښې له نیوکو سره مخ دی. سینیټر بریسټر علي ظفر دواړه فدرالي او پنجاب حکومتونه په لوی غفلت تورن کړي دي. هغه د ناورین په اړه د غبرګون د څېړلو لپاره د پارلیماني کمیټې غوښتنه وکړه.

د پاکستان د هوا پېژندنې ادارې (PMD) په ټولو صوبو کښې په شمول د ګلګت بلتستان او آزاد کشمیر کښې د مونسون د درنو فعالیتونو وړاندوینه کړې ده. چې د تمه شوي باران لپاره یې ځانګړي سیمې او مهال ویشونه په تفصیل سره ښودلي دي. PMD په بېلابېلو سیمو کښې د احتمالي سیلابونو او ځمکې ښویېدو په اړه هم خبرداری ورکړی او له خلکو یې غوښتي چې احتیاط وکړي. چارواکي د زیان منونکو سیمو څخه د خلکو او څارویو د ایستلو او د مرستې کمپونو د چمتو کولو لپاره کار کوي.