د کورنیو چارو وزیر محسن نقوي د پنجشنبې په ورځ روښانه کړه چې د ولسمشر آصف علي زرداري د استعفا په اړه هیڅ پلان نشته او نه هم فیلډ مارشل عاصم منیر د ولسمشرۍ ترلاسه کولو هیله لري.

نقوي په X کښې په یوه پوسټ کښې وویل چي مونږ په بشپړه توګه خبر یو چې څوک د ولسمشر آصف علي زرداري، لومړي وزیر شهباز شریف او د پوځ مشر په نښه کولو ناوړه کیمپین تر شا دی.

نقوي زیاته کړه چي ما په ښکاره وویل چې هیڅ بحث نه دی شوی او نه هم داسې څه فکر شته چې ولسمشر دې له استعفا وغوښتل شي یا د پوځ مشر دې د ولسمشرۍ ترلاسه کولو هیله ولري.

هغه زیاته کړه چي د پاکستان ولسمشر د وسله والو ځواکونو له مشرتابه سره قوي او درناوي اړیکې لري.

هغه دا هم زیاته کړه چې د پوځ مشر د پاکستان په پیاوړتیا او ثبات تمرکز درلود.

نقوي نوره هم زیاته کړه چې څوک چې دا تبلیغات خپروي له دښمنو بهرنیو ادارو سره همکاري کوي.

د زیرمو څوکیو په قضیه کښې د پریکړې وروسته په ملي شورا کښې د حکومت له پیاوړتیا وروسته د ولسمشرۍ د احتمالي بدلون په اړه قیاسونه زیات شوي وو.