اساسي جنرال عبدالرحیم موسوي چې د ایران د وسله والو ځواکونو لوی درستیز دی. هغوئي د ایران او اسراییل تر منځ په وروستۍ ۱۲ ورځنۍ جګړه کښې د پاکستان له ملاتړ څخه مننه څرګنده کړه. موسوي خپله مننه د پاکستان د پوځ له لوی درستیز فیلډ مارشل عاصم منیر سره په تیلیفوني خبرو کښې وکړه.
د ایران د دولتي خبري اېجنسۍ ارنا له مخې موسوي د جګړې په اوږدو کښې د ایران سره د پاکستان پر اصولي دریځ او پیوستون اعتراف وکړ. ایران دا جګړه د اسراییل لخوا یو ناغوښتل شوی تیري کوونکی عمل وباله چې د لویدیځو متحدینو په ملاتړ ترسره شو. هغه د ایران د پام وړ تلفاتو ته اشاره وکړه. په شمول د لوړ پوړو قوماندانانو له لاسه ورکول، خو ټینګار یې وکړ چې د ایران پریکنده غبرګوني بریدونو اسراییل مجبور کړ چې اوربند وغواړي.
موسوي پر امریکا تور ولګاوه چې په جګړه کښې یې مستقیمه ونډه درلوده او خپل پوځي سرچینې یې د اسراییل د ایراني توغندیو او ډرون بریدونو څخه د ساتنې لپاره بسیج کړې. هغه د څو لویدیځو هیوادونو هم نیوکه وکړه چې اسراییل ته یې مادي او لفظي ملاتړ چمتو کړی.
جګړه د جون په ۱۳ مه هغه وخت پیل شوه کله چې اسراییل په ایران کښې هوایي بریدونه پیل کړل. چې د دغه هیواد د ایټمي پروګرام سره تړلي پوځي قوماندانان او ساینس پوهان یې په نښه کړل. ایران د اسراییل پر ښارونو د بیلسټیک توغندیو بریدونو سره ځواب ورکړ. دغه جګړې د ایران او امریکا تر منځ روانې ایټمي خبرې ګډوډې کړې. چې وروسته یې د ایران پر ایټمي تاسیساتو د بنکر-بسټینګ بریدونو سره په جګړه کښې برخه واخیسته. دغه جګړې د ایران او د ایټمي انرژۍ نړیوالې ادارې (IAEA) تر منځ اړیکې هم ترینګلې کړې دي. چې ایران د زیانمن شویو ایټمي سایټونو د معاینې لپاره د IAEA غوښتنې رد کړې او له ادارې سره یې همکاري وځنډوله.