د امریکا د بهرنیو چارو وزیر مارکو روبیو او د پاکستان وزیراعظم شهباز شریف د پنجشنبې په ورځ خبرې وکړې. دوی سیمې ته د سولې په راوستلو او د ایران د ایټمي وسلو له ترلاسه کولو څخه په مخنیوي ټینګار وکړ.
دا خبرې اترې د امریکا او ایران ترمنځ د خبرو اترو د هڅو په منځ کښې وشوې چې د امریکا او پاکستان ترمنځ د همکارۍ زیاتوالی ښیي.
د امریکا د بهرنیو چارو وزارت ویاندې ټامي بروس د دې خبرو پخلی وکړ او ویې ویل چې روبیو ټینګار وکړ چې ایران باید هېڅکله ایټمي وسلې ترلاسه نه کړي.
دواړو مشرانو د اسراییلو او ایران ترمنځ د تلپاتې سولې لپاره په ګډو هڅو موافقه وکړه.
د پاکستان حکومت په یوه بیان کښې وویل چې وزیراعظم شهباز د ټرمپ د مشرتابه ستاینه وکړه چې کړکېچ یې پای ته ورساوه.
دا خبرې اترې د لوړ پوړو چارواکو ترمنځ له وروستیو لیدنو وروسته شوې دي. د ولسمشر ډونلډ ټرمپ او د پاکستان د پوځ د مشر جنرل عاصم منیر ترمنځ په سپینه ماڼۍ کښې د لیدني پر محال شوي دي.
ټرمپ په عامه توګه منیر ته د هند او پاکستان ترمنځ د تېرې میاشتې ایټمي شخړې په مخنیوي کښې د مرستې ویاړ ورکړ خو هند دا ادعا رد کړه.
د ټرمپ څرګندونې چې د پاکستان د پېښو له حساب سره سمون خوري. د هند او پاکستان ترمنځ په منځګړیتوب کښې د امریکا ډېر فعال رول په ګوته کوي چې پخوا نه و پېژندل شوی.
د هغه دا وینا چې پاکستان د ایران په اړه ځانګړې پوهه لري. د روبیو او شهباز شریف خبرو اترو ته نور هم مفهوم ورکوي. چې له تهران سره په نویو خبرو اترو کښې د پاکستان له پوهې څخه د امریکا د ګټې اخیستنې هیله په ګوته کوي.
