ایران اور اسرائیل کے درمیان تنازع میں شدت کے ساتھ ہی پاکستان کے مبینہ طور پر اس تنازعے میں براہ راست یا ایرانی حمایت کے حوالے سے فیک نیوز کے ساتھ جھوٹے دعوے کیے گئے ہیں۔
بھارتی میڈیا آؤٹ لیٹس جیسے کہ این ڈی ٹی وی کی جانب سے ایک بڑی جھوٹی خبر ایران کے جنرل اور ایران کی قومی سلامتی کونسل کے رکن محسن رضائی سے منسوب کی گئی جس میں کہا گیا تھا کہ اگر اسرائیل نے ایران کے خلاف جوہری ہتھیار استعمال کیے تو پاکستان جوہری ہتھیاروں کا استعمال کرے گا۔ تاہم، درحقیقت ایرانی جنرل کی طرف سے ایسا کوئی بیان نہیں دیا گیا اور یہ ویڈیو بظاہر مصنوعی ذہانت)اے ائی) سے تیار کردہ معلوم ہوتی ہے۔
متعدد خبروں میں یہ دعویٰ بھی کیا گیا کہ پاکستان نے اسرائیل پر حملے میں مدد کے لیے ایران کو سینکڑوں بیلسٹک میزائل فراہم کیے ہیں۔ تاہم، پاکستان میں سیکیورٹی ذرائع نے متعدد میڈیا آؤٹ لیٹس کو بتایا ہے کہ ایسے دعوؤں کی کوئی حقیقت نہیں ہے۔ ذرائع نے ایران کے میزائلوں کے پاکستان میں نصب ہونے کے دعوؤں کو بھی مسترد کر دیا ہے۔
امریکی صدر ڈونلڈ ٹرمپ کی ایک مصنوعی ذہانت سے تیار کردہ ویڈیو بھی سامنے آئی ہے، جس میں صدر بظاہر یہ کہتے ہوئے نظر آ رہے ہیں کہ پاکستان نے امریکہ اور اسرائیل کو خبردار کیا ہے۔ تاہم، اس ویڈیو کو ایکس(سابقہ ٹویٹر) پر کمیونٹی نوٹس نے جھوٹا ثابت کر دیا ہے۔
دفاعی وزیر خواجہ آصف سے بھی ایران کے خلاف اسرائیل کی حمایت کے بارے میں جھوٹے بیانات منسوب کیے گئے ہیں۔ جبکہ آصف نے ہر فورم پر ایران کے ساتھ مکمل یکجہتی کا اظہار کرنے کے بارے میں قومی اسمبلی میں ایک بیان دیا تھا لیکن اس ویڈیو کو سیاق و سباق کے بغیر پیش کیا گیا تاکہ یہ دعویٰ کیا جا سکے کہ انہوں نے فوجی مدد کی پیشکش کی تھی۔
